Şəmkirdə xarici vətəndaşlar qanun pozuntusuna yol veriblər.
Report-un verdiyi məlumata əsasən, dövlət sərhədinin təhlükəsizliyinin təmin edilməsi, qeyri-leqal miqrasiyaya qarşı mübarizə çərçivəsində sərhəd mühafizə və əməliyyat-axtarış tədbirləri keçirilib.
“Şəmkir” sərhəd dəstəsinin xidməti ərazisində 2 nəfər Pakistan İslam Respublikası vətəndaşı sərhədi qeyri-qanuni olaraq keçməyə cəhd göstərib. Nəticədə onlar polis əməkdaşları tərəfindən saxlanılıblar.
Pakistanlıların qeyri-qanuni yolla Avropa ölkələrinə miqrasiya etmək niyyətində olduqları müəyyən edilib.
Faktla bağlı qeyri-leqal miqrasiya kanalının aşkarlanması istiqamətində əməliyyat-istintaq tədbirləri davam etdirilir.
