Gəncədə kanalizasiya quyusunun qapaqlarını oğurlayan şəxs saxlanılıb. Bu haqda 13 fevral tarixində DİN-ə istinadən xəbər veririk.
Gəncə Şəhər Baş Polis İdarəsinin 1-ci Polis Şöbəsinə (PŞ) yağış sularının axıdılması üçün nəzərdə tutulan, ümumi dəyəri 1050 manat olan kanalizasiya quyusu qapaqlarının oğurlanması barədə məlumat daxil olub.
Polis əməkdaşlarının keçirdikləri əməliyyat axtarışları nəticəsində cinayəti törətməkdə şübhəli bilinən şəhər sakini, əvvəllər məhkum olunmuş Arzu Cəfərov saxlanılıb. Saxlanılan şəxs ifadəsində həmin qapaqları oğurlayaraq metal qəbulu məntəqələrinə satdığını etiraf edib.
Faktla bağlı Gəncə şəhər Baş Polis İdarəsində araşdırmalar davam etdirilir.
