Gəncədə yeni tikilən zavodun dəyəri məlum olub. Bu haqda 16 fevral tarixində Apa-ya istinadən məlumat veririk.
Azərbaycanda ilk dəfə olaraq Gəncə şəhərində inşa edilməkdə olan sənaye əhəmiyyətli partlayıcı maddələr istehsal edəcək zavodun ümumi investisiya dəyəri açıqlanıb. "AzerBlast" MMC-nin icraçı direktoru Rizvan Baxşıyev bildirib ki, bu göstərici 14 milyon manata bərabərdir.
Onun sözlərinə görə, layihə çərçivəsində inşaat işlərinə təqribən 5.5 milyon, avadanlıqların alınması və quraşdırılmasına isə 4 milyon manat vəsait sərf olunacaq. Proyekt üzrə nəzərdə tutulan digər vəsaitlər isə əməliyyat xərclərini təşkil edir.
“Layihə üzrə fəaliyyətin ilk 6 ili üçün hesablanmış cəmi gəlir 90 milyon manat nəzərdə tutulub”, - deyə icraçı direktor qeyd edib.
