Tanınmış gəncəli idmançı məzunu olduğu məktəbi ziyarət edib.
Gencexeber.az məlumat verir ki, 2016 Yay Paralimpiya Oyunlarının qızıl medalçısı Ramil Qasımov Gəncə şəhər 23 nömrəli tam orta məktəbdə şagirdlərlə görüş keçirib. Bu barədə məlumatı təhsil ocağı sosial şəbəkə vasitəsi ilə paylaşıb.
Qasımov öz təəssüratlarını və təcrübəsini tələbələrlə bölüşüb. Onun zəngin idman karyerası, o cümlədən Azərbaycan çempionatında üç qızıl medal, 2007-ci ildə Universiadada qələbəsi var. Növbəti illərdə R.Qasımovun görmə qabiliyyətində problemlər əmələ gəldiyindən o, 2013-cü ildən para-cüdo idmanı üzrə karyerasını davam etdirib.
Qeyd edək ki, Azərbaycan Prezidenti İlham Əliyevin 21 sentyabr 2016-cı il tarixli Sərəncamına əsasən XV Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Ramil Famil oğlu Qasımov "Şöhrət" ordeni ilə təltif edilib.
Xatırladaq ki, Ramil Qasımov 2017-ci ilin mayında baş tutan IV İslam Həmrəyliyi Oyunlarının qalibi olub.
Qeyd edək ki, R.Qasımov 1981-ci il avqustun 13-də Gəncədə dünyaya göz açıb.
