Gəncədə məşğulluqla bağlı tədbir baş tutub. Bu haqda 23 iyul tarixində Kəpəz televiziyasına istinadən məlumat veririk.
“Məşğulluğa Dəstək Layihəsi” çərçivəsində “Həvəsləndirmə Mükafatları” müsabiqəsi keçirilib. Proqram Əmək və Əhalinin Sosial Müdafiəsi Nazirliyi tərəfindən Dünya Bankının maliyyə dəstəyi ilə təşkil olunub.
Burada son bir il ərzində faəliyyətdə olan vergi ödəyicisi olan və heç bir vergi borcu və öhdəlikləri olmayan, tərtib olunan birinci il biznes-planını uğurla yekunlaşdıran və faəliyyətində onun inkişaf etdirilməsi üçün əlavə dəstəyə ehtiyacı olan və digər bu kimi meyarlar əsasında seçilmiş 10 nəfərə həvəsləndirmə mükafatları təqdim edilib. Həmin şəxslərə hansı istiqamət üzrə avadanlıqlar təqdim olunmuşdusa, onu daha da inkişaf etdirmək üçün əlavə natura şəklində avadanlıqlar verilib.
