Gəncədə meydanların birində restavrasiya işləri aparılır. Bu haqda 16 yanvar tarixində Mənzil Kommunal Təsərrüfatı İstehsalat birliyinə istinadən məlumat veririk.
İşlər Yeni Gəncə qəsəbəsindəki Novruz meydanında görülür. Həmin ərazidə lövhədə əks olunan yazıların bəzi hissələri naməlum şəxslər tərəfindən sökülərək oğurlanıb. MKTİB-nin Təmir-tikinti və Qəza xidməti şöbəsinin əməkdaşları bu nöqsanın aradan qaldırılması üzərində çalışaraq restavrasiya işləri görürlər.
Həmçinin MKTİB şəhər sakinlərinə müraciət edərək bildirir ki, park və xiyabanlara zərər yetirən şəxslər qanunvericiliyə uyğun olaraq inzibati qaydada məsuliyyətə cəlb olunacaqlar.
