Qədim zamanlardan bəri heyvanlara görünməyəni görmək qabiliyyəti aid edilirdi. Müxtəlif mədəniyyətlərdə onları bədbəxtliyin və ya şərin yaxınlaşmasını hiss edən qoruyucular hesab edirdilər.
Lent.аz heyvanlarla bağlı bu məlumatları təqdim edir:
Niyə heyvanlar insanlardan əvvəl bədbəxtliyi hiss edirlər?
İnsanları həmişə təəccübləndirən məqam odur ki, heyvanlar təbii fəlakətlər və ya təhlükələrdən əvvəl qeyri-adi davranış nümayiş etdirirlər. Zəlzələ ərəfəsində itlər ulayır, pişiklər gizlənmək üçün yerlər axtarır, quşlar qəfil susur və ya əksinə, gurultulu səs-küy salırlar. Elə bil ki, onların xüsusi bir istedadı var. Bəs bu sehrdirmi, yoxsa elmi əsaslı hadisədir?
İtlər və pişiklər evin qaranlıq qüvvələrdən qoruyucuları hesab olunurdu.
Quşlar bir çox ənənələrdə dəyişikliklərin müjdəçiləri sayılırdı.
Atlar isə dünyalar arasında bələdçi simvolu idi. Sehrə görə, heyvanlar təbiətə daha yaxın olduqları üçün, onların ruhu insan qayğıları ilə yüklənmir və bu səbəbdən kainatın siqnallarını daha daha həssas formada hiss edirlər.
Araşdırmalar sübut edir ki, heyvanlarda insanlarda olmayan sensor qabiliyyətlər var:
Onlar zəlzələdən əvvəl yerin aşağı tezlikli titrəyişlərini eşidirlər. Maqnit sahəsindəki dəyişiklikləri hiss edirlər. İnsanlarda stress və ya qorxu zamanı baş verən hormonal dəyişikliklərin qoxularını ayırd edə bilirlər. Onlar onlarla kilometr uzaqda olan ildırımı eşidə bilirlər. Bizim "mistika" adlandırdığımız şey əslində onların son dərəcə həssas görmə, eşitmə və qoxu orqanlarının nəticəsidir.
Elmi izahı bilsək də, heyvanların davranışı hələ də bizi heyrətləndirir. Əcdadlarımızın möcüzə hesab etdiklərini müasir alimlər unikal sensor reaksiyalar kimi izah edirlər. Amma mahiyyət dəyişmir heyvanlar təbiətin dilini bizdən daha yaxşı "oxuyurlar".
