Gəncədə süni gölün daşması ilə bağlı tədbirlər həyata keçirilir. Bu haqda 23 iyun tarixində İcra Hakimiyyətinə istinadən məlumat veririk.
Ötən gün Heydər Əliyev parkında yerləşən süni gölün yağışlar nəticəsində daşması barədə məlumat vermişdik. Suyun səviyyəsinin yenidən artması bir sıra fəsadlar törədib. İcra başçısı Niyazi Bayramov Fövqəladə Hallar Komissiyasının üzvləri ilə birgə sözügedən əraziyə yerində baxış keçirib. Şəhər rəhbərinə məlumat verilib ki, baş vermiş fəsadların aradan qaldırılması istiqamətində FHN-in Gəncə Regional Mərkəzi, Xüsusi Riskli Xilasetmə Xidməti və Mülki müdafiə qoşunlarının qüvvələri tərəfindən göldə suyun səviyyəsinin azaldılması və digər təhlükəsizlik tədbirlərinin həyata keçirilməsi fasiləsiz olaraq davam etdirilir.
Şəhər rəhbərliyi aidiyyəti üzrə tapşırıq və tövsiyələrini verib.
