Gəncə sakini narkotik üstündə saxlanılıb. Bu haqda 15 iyun tarixində Apa-ya istinadən məlumat veririk.
Dəmir Yolu Nəqliyyatında Polis İdarəsinin Gəncə Xətt Polis Şöbəsinin əməkdaşları əməliyyat keçiriblər. Nəticədə Gəncə şəhər sakini Bəxtiyar Şəmsi Şəmkir rayon Dəllər qəsəbəsindəki Dəmir yolu Vağzalının perronunda saxlanılıb. O, qanunsuz olaraq narkotik maddə əldə edib saxlamaqda şübhəli bilinir.
Şəmsinin üzərinə baxış keçirilən zaman əlindəki torbadan 2 kiloqram 460 qram qurudulmuş marixuana aşkar edilərək götürülüb. Maddi sübutlar ekspertizaya təqdim olunub.
Faktla bağlı araşdırmalar davam etdirilir.
