Rusiyadan Gəncə istiqamətində uçuşlar başlayacaq. Bu haqda 29 may tarixində Report-a istinadən xəbər veririk.
Stavropol diyarının qubernatoru Vladimir Vladimirovun sosial şəbəkələrdə verdiyi məlumata görə, 13 iyun tarixindən Rusiyanın “Azimut” aviaşirkəti Mineralnıye Vodı – Gəncə istiqamətində uçuşlar nəzərdə tutub.
“Stavropol diyarında hava əlaqələrinin coğrafiyasını genişləndiririk. Biz Mineralnıye Vodı Hava Limanından yeni marşrut açırıq. Gəncəyə “Azimut” Hava Yollarının hər həftə həftəlik birbaşa reysi başlayacaq”, - deyə qubernator bildirib. O əlavə edib ki, bu, Stavropol səyahətçiləri və sahibkarları üçün logistikanı daha rahat edəcək və buraya turist axınının artmasına töhfə verəcək.
