Şəmkir rayonunda dərədən meyiti tapılan şəxsin öldürüldüyü məlum olub, oğlu şübhəli bilinir.
Gencexeber.az məlumat verir ki, rayonun Zəyəm Cırdaxan kənd sakini, 1970-ci il təvəllüdlü Arif Nəbiyevin evinin yaxınlığındakı dərədə meyiti tapılıb.
Aparılan araşdırmalar nəticəsində onun qətlə yetirildiyi məlum olub.
Hadisənin törədilməsində onun yeniyetmə oğlu şübhəli bilinir.
Həmin şəxsin saxlanılması istiqamətində polis əməkdaşları tərəfindən əməliyyat-axtarış tədbirləri həyata keçirilir.
Faktla bağlı araşdırma aparılır.
***
26 yanvar. 11:48
Şəmkirdə bədbəxt hadisə baş verib.
Gencexeber.az məlumat verir ki, rayonun Zəyəm Cırdaxan kənd sakini 1970-ci il təvəllüdlü A.Nəbiyev kənd ərazisində dərəyə yıxılıb. 56 yaşlı kişi hadisə yerində ölüb.
Hadisə yerinə polis və prokurorluq əməkdaşları cəlb edilib.
Faktla bağlı araşdırma aparılır.
