Gəncəli tələbənin nəşi gecə saatlarında Vətənə gətiriləcək. Bu haqda 15 fevral tarixində Baku TV-yə istinadən məlumat veririk.
Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə bildirib ki, Türkiyənin Malatya şəhərində zəlzələ zamanı dağıntılar altında qalaraq həlak olan Şahin Vəliyev və digər 3 mənzil yoldaşı - Gündüz Nəzərzadə, Hümam İsmayıllı və Samir Quliyevin cənazələrinin bu gecə saat 02:00 radələrində ölkəyə gətirilməsi nəzərdə tutulub.
"Müəyyən prosedur qaydaları var ki, bunların icra edilməsi üçün meyitlər əvvəlcə Malatyadan İstanbula aparılacaq. İstanbuldan Ankaraya, daha sonra Azərbaycana gətiriləcək", - deyə o bildirib.
