Gəncəli tələbənin Türkiyədə ölü tapılması xəbəri təsdiqini tapmayıb. Bu haqda 10 fevral tarixində Oxu24.com-a istinadən məlumat veririk.
Bir sıra xəbər portallarında Malatyada təhsil alan tələbəmiz Şahin Vəliyevin dağıntılar altından meyitinin çıxarılması məlumatı paylaşılıb. Bu barədə onun müəllimi Hülya Berktaş Bingöl öz Facebook səhifəsində məlumat yayıb.
Qadınla əlaqə saxladıqdan sonra məlumatın yanlış olduğu üzə çıxıb və o, paylaşımı silib. Bildirilir ki, Şahin Vəliyevin həlak olması xəbəri ilə bağlı nə səfirliyimizdə, nə ailəsində, nə də dostlarında məlumat yoxdur.
