Gəncədə magistraturaya qəbul imtahanı keçiriləcək. Bu haqda 16 fevral tarixində Dövlət İmtahan Mərkəzinə istinadən məlumat veririk.
Dövlət İmtahan Mərkəzi 19 fevral tarixində saat 11:00-da ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanı təşkil edəcək. Bakalavrların imtahan verəcəyi yer onların “Şəxsi kabinet”də qeyd etdikləri faktiki yaşadıqları məntəqəyə uyğun müəyyən olunur.
İmtahanın başlanmasına 15 dəqiqə qalmış, saat 10:45-də buraxılış rejimi başa çatır. Bundan sonra gələn iştirakçılar binaya buraxılmırlar. Qəbul imtahanı Gəncədə 6 binada təşkil olunacaq. Burada ümumilikdə 1528 nəfər iştirak edəcək.
Qeyd edək ki, bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər:
