Gəncədə ABŞ-də təlimlərdə iştirak edəcək müəllimlə görüş olub. Bu haqda 23 fevral tarixində Regional Təhsil İdarəsinə istinadən məlumat veririk.
Gəncə-Daşkəsən Regional Təhsil İdarəsinin müdiri Anar Qədiməliyev "Bir müəllimin manifesti" proqramı çərçivəsində ABŞ-də uzunmüddətli təlimlərdə iştirak etmək hüququ qazanan 18 nömrəli tam orta məktəbin biologiya müəllimi İlahə Hacıyeva ilə görüşüb.
Qədiməliyev təhsil işçisinə ADA Universitetinin ölkəmizdə yüksəkixtisaslı müəllimlər yetişdirmək səylərinə dəstək vermək məqsədilə keçirdiyi proqramda uğurlar arzulayıb.
Qeyd edək ki, görüşdə təlimlərdə iştirak hüququ qazanan Goranboy rayon Rəhimli kənd tam orta məktəbinin direktoru Həsrət Rəhimov və Göygöl rayon Haçaqaya kənd ümumi orta məktəbin biologiya müəllimi Züleyxa Vəliyeva da iştirak ediblər.
