Gəncə-Daşkəsən Regional Təhsil İdarəsi məktəbəqədər təhsil müəssisələrində tərbiyə prosesinə cəlb olunanların sayını açıqlayıb.
Qurumdan bildirilir ki, ümümi 6 287 olmaqla, 3 392 nəfəri Gəncə, 1194 nəfəri Goranboy, 696 nəfəri Samux, 609 nəfəri Göygöl, 233 nəfəri Naftalan şəhəri, 163 nəfəri isə Daşkəsəndən təlim-tərbiyəyə cəlb ediliblər.
Qeyd edək ki, məktəbəqədər təhsil vasitəsilə uşaqların erkən yaş dövrlərində əqli, fiziki, yaradıcı potensialının və mədəni səviyyəsinin inkişafının, psixoloji dayanıqlığının, estetik tərbiyəsinin, sadə əmək vərdişlərinə yiyələnməsinin, ətraf aləmə, şəxsi sağlamlığın qorunmasına həssas və şüurlu münasibətinin, zəruri həyati bacarıqlara yiyələnməsinin, şəxsiyyətinin formalaşdırılmasının əsası qoyulur.
