Gəncədə 2 nəfərin bıçaq xəsarəti almasının və bir nəfərin qətlə yetirilməsinin detalları məlum olub. Bu haqda 27 iyun tarixində Unikal.az-a istinadən xəbər veririk.
Cəlil Məmmədquluzadə küçəsində qısqanclıq zəminində hadisə baş verib. 65 yaşlı Mahir Quliyev qeyri-rəsmi münasibətdə olduğu 45 yaşlı İlhamə Hüseynovanın 25 yaşlı Laçın rayon sakini Akif Ağalarovla münasibəti olmasından şübhələnib. Mahir Quliyev evin qarşısına gələrək İlhamə Hüseynova ilə mübahisə edib.
Mübahisədən sonra Mahir Quliyev İlhamə Hüseynovanı bıçaqla qətlə yetirib, daha sonra isə Akif Ağalarovu bıçaqlayıb.
Qadının öldüyünü görən qətli törədən şəxs sonra özünə bıçaqla xəsarət yetirib. Hər iki şəxs xəstəxanaya yerləşdirilib.
Qeyd edək ki, bıçaqlanan 25 yaşlı Laçın rayon sakini Akif Ağalarov Gəncə Apellyasiya Məhkəməsinin hakimi Nural Əliyevin köməkçisidir.
Faktla bağlı araşdırma aparılır.
