Bu gün şəhid Səxavət Həsənovun doğum günüdür.
Gencexeber.az məlumat verir ki, S.Həsənov 13 noyabr 1994-cü ildə Gəncə şəhərində dünyaya gəlib.
2012-ci ildə Gəncə şəhər 39 nömrəli tam orta məktəbi bitirib.
Elə həmin il hərbi xidmətə yollanıb. Hərbi xidmətdən qayıtdıqdan sonra Gəncə Regional Asan Xidmət Mərkəzində könüllü kimi fəaliyyətə başlayıb.
Səxavət Vətən Müharibəsinin başlaması ilə əlaqədar 29 sentyabr 2020-ci il tarixində yenidən hərbi xidmətə çağırılıb. O, Füzuli, Qubadlı, Cəbrayıl və Laçın rayonlarının azadlığı uğrunda gedən döyüşlərdə iştirak edib.
3 noyabr 2020-ci il tarixində Laçın rayonunda şəhidlik zirvəsinə ucalıb. İki gün sonra isə Gəncə şəhərinin Şəhidlər xiyabanında dəfn olunub.
Səxavət Həsənov ölümündən sonra Prezident tərəfindən "Vətən uğrunda", "Cəbrayılın azad olunmasına görə", "Qubadlının azad olunmasına görə", "Laçının azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilib.
