Gəncə şəhəri 1 nömrəli peşə məktəbində tələbələrin sentyabr ayı üzrə təqaüdlərinin ödənilməməsi narazılığa səbəb olub.
Gencexeber.az-a müraciət edən tələbələrin sözlərinə görə, onlara sentyabr ayı üçün ödənilməli olan 35 manat məbləğində təqaüd indiyədək verilməyib.
Tələbələr bildirirlər ki, məsələ ilə bağlı məktəb rəhbərliyi onlara hər hansı açıqlama vermir. Müəllimlər isə sözügedən təqaüdün ödənilməyəcəyini bildiriblər.
Narazı tələbələr sentyabr ayı üzrə onlara çatmalı olan təqaüdlərin ödənilməsini tələb edirlər.
Məsələ ilə bağlı Gəncə şəhəri 1 nömrəli Peşə Məktəbi ilə bağlı əlaqə saxlamağa çalışsaq da, zənglərimiz cavabsız qaldı.
