Gəncədə avtobus sürücülərinin əlil arabasından istifadə edən sərnişinlərə yardım etməsi sosial şəbəkələrdə rəğbətlə qarşılanır.
Gencexeber.az məlumat verir ki, bu cür hallarla qarşılaşan vətəndaşlar hadisələri telefon vasitəsilə qeydə alaraq sosial şəbəkə hesablarında paylaşırlar.
Belə görüntülərdən biri də "G2" marşrut xətti üzrə hərəkət edən, 77-JZ-573 dövlət qeydiyyat nişanlı avtobusda qeydə alınıb. Sürücünün pandusu açaraq əlil arabasından istifadə edən sərnişinin avtobusdan rahat şəkildə düşməsinə kömək etdiyi əks olunub.
Sakinlərin sözlərinə görə, fiziki məhdudiyyətli həmin şəxs demək olar ki, hər gün bu marşrutdan istifadə edir.
