Gəncə şəhəri, 4-cü mikrorayon, 4B ünvanında yerləşən binanın qarşısındakı qurumuş ağac əhalinin narahatlığına səbəb olub.
Gencexeber.az-a müraciət edən sakinlərin sözlərinə görə, bir müddət əvvəl ağacın budaqlarından biri yolun hərəkət hissəsinə düşüb.
Xoşbəxtlikdən, hadisə zamanı xəsarət alan olmayıb.
Şikayətçilər bildirirlər ki, ağacın digər budaqları da qoparaq ətrafa düşə bilər. Bu isə ərazidə yaşayan sakinlər, xüsusilə həyətdə oynayan uşaqlar və park edilmiş avtomobillər üçün ciddi təhlükə yaradır.
Onlar aidiyyəti qurumlardan məsələyə operativ müdaxilə etməyi, təhlükə saçan ağacın kəsilməsini xahiş edirlər.
Məsələ ilə bağlı Gəncə Şəhər Mənzil-Kommunal Təsərrüfatı İstehsalat Birliyinə (MKTİB) sorğu ünvanlanıb.
