Əslən gəncəli olan aktyor Eldar İskəndərovun rol aldığı "Club Kid" filminin ilk görüntüləri yayılıb.
Gencexeber.az məlumat verir ki, rejissor Cordan Ferstmanın ekranlaşdırdığı filmdə Eldar İskəndərov Nik adlı qeyri-adi gəncin obrazını yaradıb. O, baş qəhrəman Piterin mənzilində yaşayır, videooyunlara maraq göstərir, müstəqil həyata can atmaq istəmir və özünü Azərbaycandan olan, fəlsəfəyə yeni meyil salan şəxs kimi xarakterizə edir.
Maraqlıdır ki, personajın azərbaycanlı mənşəli olması ilkin ssenaridə nəzərdə tutulmayıb. Bu detal, eləcə də Nikin obrazına xas bəzi digər xüsusiyyətlər Eldar İskəndərovun filmin rejissoru Cordan Ferstman ilə birgə işi zamanı formalaşıb.
Qeyd edək ki, Niderland və Belçikada boya-başa çatan Eldar İskəndərov Xalq artisti, tanınmış gəncəli aktyor Şahmar Ələkbərovun nəvəsidir. Gənc 2024-cü ildə ABŞ-də yerləşən "Savannah College of Art and Design" universitetini "Performans sənətləri" ixtisası üzrə bakalavr dərəcəsi ilə bitirib.
