Gəncədə iki obyektdə nöqsanlar aşkar edilib. Bu haqda 9 fevral tarixində Qida Təhlükəsizliyi Agentliyinə istinadən məlumat veririk.
AQTA-nın müfəttişləri ictimai iaşə müəssisələrində reydlər keçiriblər. Nəticədə Gülüstan qəsəbəsində iki obyektdə qayda pozuntuları üzə çıxıb. Həmin müəssisələr və nöqsanlar aşağıdakılardır:
- "Üç Qardaş" yeməkxanası - obliqat qrupuna daxil olan işçilərin ilkin və dövri tibbi müayinədən keçməməsi, baytarlıq şəhadətnaməsi və ya arayışı olmayan heyvan mənşəli məhsulların qəbulu;
- "Qafqaz" restoranı - baytarlıq şəhadətnaməsi və ya arayışı olmayan heyvan mənşəli məhsulların qəbulu.
Faktlarla bağlı müvafiq tədbirlər görülüb.
