Gəncədə velosiped yarışı təşkil olunub.
Gencexeber.az-ın məlumatına əsasən, tədbir “Yaşıl artım” və “sağlam həyat tərzi” şüarı ilə keçirilib. Yürüş Heydər Əliyev Park-Kompleksindəki “Zəfər Tağı”nın qarşısından start götürüb və Cavadxan küçəsində yerləşən “Kapital Bank”ın filialının önündə yekunlaşıb.
Burada idmançılarla yanaşı icra başçısı Niyazi Bayramov, Türkiyənin Gəncədəki Baş konsulu Recep Öztop, Gürcüstanın Gəncədəki Baş konsulu Qaxaber Abdaladze, YAP Gəncə şəhər təşkilatının sədri Bayram Aslanov, GDU-nun rektoru Yusif Yusibov, ADAU-nun rektoru Zəfər Qurbanov, ATU-nun rektor əvəzi Yaşar Ömərov, Kapital Bank Gəncə filialının direktoru Vüqar Paşayev, şəhər İcra Hakimiyyəti başçısı Aparatının məsul əməkdaşları və Velosiped Federasiyasının nümayəndələri iştirak ediblər.
Çıxışlardan sonra veloyürüşün qalibləri mükafatlandırılıb və xatirə şəkli çəkdirilib.
Qeyd edək ki, Kapital Bankın 150 illik yubileyi münasibəti ilə keçirilən aksiya bankın təşəbbüsü, şəhər İcra Hakimiyyətinin dəstəyi və Velosiped Federasiyasının təşkilatçılığı ilə baş tutub.
[modula id="64271"]
