Gəncə təmsilçimiz gənc fulbolçunun ölümü ilə əlaqədar paylaşım edib. Bu haqda 12 iyun tarixində "Kəpəz" Futbol Akademiyasının rəsmi səhifəsinə istinadən xəbər veririk.
"Sabah"ın 19 yaşadək futbolçulardan ibarət komandasında çıxış edən Amid Alxasov faciəli şəkildə vəfat edib.
Klubumuzun kollektivi gənc futbolçu Amid Alxasovun faciəvi şəkildə dünyasını dəyişməsindən kədərləndiyini bildirib, mərhumun ailəsinə və yaxınlarına dərin hüznlə başsağlığı verib və səbir diləyib.
Qeyd edək ki, hadisə dünən baş verib. Qusarda yaxınları ilə istirahətə gedən Amid gilas bağlarını suvarmaq üçün çayın yaxınlığında düzəldilmiş kanalda çimmək istəyib. Onun boğulduğunu görən yaxınları kömək etmək istəsələr də, batan futbolçunu xilas etmək mümkün olmayıb.
Amid Alxasov "Vətən" İdman Liseyinin 10-cu sinif şagirdi idi.
