Goranboyda yanğın hadisələri qeydə alınıb.
Gencexeber.az Fövqəladə Hallar Nazirliyinə (FHN) istinadən məlumat verir ki, rayonunun Tap Qaraqoyunlu kəndində ümumi sahəsi 140 m² olan kürsülü, birmərtəbəli 3 otaqlı evin bir otağının tavanı 44 m² sahədə yanıb.
Oxşar hal Goranboy şəhərində də baş verib. Belə ki, ümumi sahəsi 36 m² olan kürsülü birmərtəbəli 1 otaqlı evin yanar konstruksiyaları 20 m² sahədə alışıb.
Hər iki hadisə zamanı ərazilərə FHN-nin yanğından mühafizə bölmələri cəlb edilib. Alovun evlərin qalan hissələrinə keçməsinin qarşısı alınıb.
