Gəncədə III MDB Oyunlarına hazırlıq çərçivəsində azarkeş zonaları yaradılır.
Bakı Şəhər Halqası Əməliyyat Şirkətindən Gencexeber.az-a verilən məlumata görə, Gəncədə azarkeş zonası Şəhər İcra Hakimiyyətinin binasının qarşısında yerləşəcək. Bu məkan həm yerli sakinlər, həm də qonaqlar üçün idman, əyləncə və mədəni tədbirlər mərkəzinə çevriləcək.
Fanzonalarda səhnə, interaktiv oyun meydançaları, foto zonalar, yemək və içki sahələri, uşaq guşəsi, incəsənət guşəsi, idman meydançası olacaq. Maskot proqramı və DJ çıxışları da nəzərdə tutulub.
Xatırladaq ki, III MDB Oyunları 2025-ci il sentyabrın 28-dən oktyabrın 8-dək Azərbaycanın yeddi şəhərində - Gəncə, Yevlax, Mingəçevir, Qəbələ, Şəki, Göygöl və Xankəndidə keçiriləcək. Açılış və bağlanış mərasimləri Gəncə şəhər stadionunda baş tutacaq.
