Gəncəli hakim MDB oyunlarında ədaləti qoruyacaq.
Gencexeber.az-ın məlumatına görə, Gəncəli idman ustası Məmmədov Mahir Firdovsi oğlu III MDB Oyunlarına təyinat alıb. Milli dərəcəli hakim idman karatesi (WKF) növündə hakimlik edəcək.
Qeyd edək ki, Mahir Məmmədov 1995-ci ildən karate ilə məşğul olur. Respublika və beynəlxalq yarışlarda dəfələrlə mükafatçılar sırasına düşüb, dünya çempionatlarında da öz sözünü deyib. 2000–2024-cü illər ərzində müxtəlif beynəlxalq seminarlarda iştirak edib.
2014-cü ildən məşqçi-müəllim kimi fəaliyyət göstərən Mahir Məmmədov 2016-cı ildə milli dərəcəli hakim statusu qazanıb. O, indiyədək bir çox respublika və beynəlxalq turnirlərdə ölkəmizi layiqincə təmsil edərək hakimlik edib.
İndi isə o, MDB Oyunlarında ədaləti qoruyacaq rəsmi hakimlərdən biri olacaq.
