Gəncədə ticarət obyektində nöqsanlar üzə çıxıb. Bu haqda 1 avqust tarixində AQTA-ya istinadən məlumat veririk.
Azərbaycan Respublikasının Qida Təhlükəsizliyi Agentliyinin (AQTA) əməkdaşları monitorinq tədbirlərini davam etdirirlər. Yoxlamalar nəticəsində "Happy Ferma"ya məxsus süd məhsulları mağazasında qayda pozuntuları aşkarlanıb. Burada qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsulların qəbulu faktları üzə çıxıb.
Nöqsanların aradan qaldırılması ilə bağlı icrası məcburi göstərişlər verilib.
