Gəncədə yaşayan sağlamlıq imkanları məhdud şəxlər üçün səyyar xidmət keçirilib. Bu haqda 23 may tarixində Dövlət Miqrasiya Xidmətinə istinadən xəbər veririk.
Tədbir həssas kateqoriyadan olan şəxslərin müraciətlərinin əlçatanlığını təmin etmək məqsədilə Dövlət Miqrasiya Xidmətinin regional idarələri tərəfindən baş tutub. Səyyar xidmətlər zamanı qurumun fəaliyyət istiqamətlərinə uyğun olaraq, şəxslərin yaşadıqları ünvanlarda müvəqqəti yaşamaq üçün icazə vəsiqələri, vətəndaşlıq mənsubiyyətinin müəyyənləşdirilməsi ilə bağlı arayış və digər sənədlər təqdim edilib.
Eyni zamanda şəxslərdən müvəqqəti yaşamaq üçün icazə vəsiqələrinin alınması və vətəndaşlıq mənsubiyyətinin müəyyənləşdirilməsi ilə bağlı sənədlər qəbul edilib və müraciətlərə uyğun tələb olunan sənədlərin siyahısı izah edilib.
