Gəncədə bir sıra fəvvarələr təmir olunur. Bu haqda Gencexeber.az-a 6 fevral tarixində məlumat daxil olub.
Şəhər ərazisində müasir tələblərə cavab verməyən fəvvarələrin əsaslı təmiri işlərinə başlanılıb. İlkin mərhələdə Gəncə şəhər Mənzil Kommunal Təsərrüfatı İstehsalat Birliyinin balansında olan 6 böyük fəvvarə yenilənəcək. Heydər Əliyev Meydanı və “Xan bağı”nda olan 4 fəvvarə sökülərək fərqli görünüşdə yenidən inşa ediləcək. Şəhərin Cavad xan küçəsində olan 2 fəvvarə isə əsaslı şəkildə təmir olunacaq.
Bildirilib ki, daha sonra şəhərin park və xiyabanlarında, meydanlarda yerləşən, təmirə ehtiyacı olan digər fəvvarələrin də yenidən qurulması nəzərdə tutulub.
“Xan bağı” və Cavad xan küçələrində olan fəvvarələrin cari ilin aprel-may, şəhərin Baş meydanında olan iki böyük fəvvarənin isə iyul-avqust aylarında təhvil verilməsi planlaşdırılır.
[modula id="32260"]
