Gəncəli həkim yeni vəzifəyə təyin edilib. Bu haqda 24 iyun tarixində Göygöl rayon Mərkəzi Xəstəxanasına istinadən məlumat veririk.
Göygöl rayon Mərkəzi Xəstəxanasında Hemodializ şöbəsinin müdiri - nefroloq vəzifəsinə təyinat olub. Bu vəzifəni Mahir Mustafa oğlu Mustafayev icra edəcək.
Mahir Mustafayev 28 oktyabr 1967-ci ildə Gəncədə anadan olub. 1990 - 1996-cı illərdə Azərbaycan Tibb Universitetinin müalicə - profilaktika fakültəsində təhsil alıb. 1996 – 1997-ci illərdə Gəncə şəhər Təcili tibbi yardım xəstəxanasının reanimasiya və anesteziologiya şöbəsinin həkimi vəzifəsində çalışıb. 1997 – 2005-ci illərdə Azərbaycan Silahları Qüvvələrində həkim kimi müxtəlif vəzifələrdə xidmət edib.
2005 – 2013-cü illərdə Gəncə şəhər hemodializ mərkəzində, 2013 – 2023-cü illərdə Gəncə şəhər “Şans” Tibb Mərkəzində həkim - nefroloq vəzifəsində çalışıb. 2023-cü ilin iyun ayında Dövlət Sertifikasiya Mərkəzində həkim - nefroloq ixtisası üzrə imtahan verib, sertifikat alıb.
