Xankəndi şəhərində Dövlət Yanğından Mühafizə Hissəsi yaradılıb.
Gencexeber.az-ın məlumatına görə, bununla bağlı fövqəladə hallar naziri Kəmaləddin Heydərov müvafiq əmr imzalayıb. Bildirilib ki, indiyədək şəhərə xidmət göstərilməsi üçün əməkdaşlar ətraf rayonlardan ezam olunurdu. Artıq isə yeni yaradılan qurum fəaliyyətə başlayıb.
Məlumata əsasən, cari ayın 12-dən etibarən əslən Xankəndidən olan işçilər sözügedən hissədə fəaliyyətə başlayacaqlar.
Qeyd edək ki, işə başlayacaq əməkdaşlardan 15 nəfəri Gəncə şəhərində məskunlaşan Xankəndi şəhəri Kərkicahan qəsəbəsinin sakinləridir. Onlar əvvəlcə Kəpəz və Nizami rayon Dövlət Yanğından Mühafizə hissələrində çalışıblar. Gəncədə rayon bölgüsü ləğv edildikdən sonra isə fəaliyyətlərini 25 və 26 saylı Dövlət Yanğından Mühafizə hissələrində davam etdiriblər.
