Yəni Gəncə yaşayış massivində genişmiqyaslı iməcilik təşkil edilib.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən (MKTİB) verilən məlumata görə, qurumun canlı qüvvə və xüsusi texnikaları vasitəsilə Yəni Gəncə yaşayış massivində yeni inşa olunan 2 saylı musiqi məktəbinin və orada yerləşən yaşayış binalarının ətraf ərazilərində, elecə də, 28 may küçəsində təmizlik işləri aparılıb.
Belə ki, sözügedən ərazilərdə yol kənarlarına atılan müxtəlif məişət tullantıları yığılaraq ərazidən daşınması təmin edilib. Küçə və döngələr təmizlənib, alaq otları biçilib, mövcud zibil qutularının ətrafında səliqə-səhman yaradılıb. Təmizlik işlərinə MKTİB-nin Ərazi Xidmət Sahələrinin əməkdaşları qatılıb.
MKTİB-nin İşıqlandırma şöbəsinin əməkdaşları və xüsusi texnikası vasitəsilə sözügedən ərazidə yeni işıqlandırma sisteminin qurulması üçün işıq dirəklərinin xəndəklərinin qazıntı işləri də aparılıb.
Qeyd edək ki, anoloji təmizlik və təmir-bərpa işləri mütəmadi olaraq şəhərin digər müxtəlif ərazilərində də təşkil olunur.
