Gəncə şəhərinin mərkəzində – Mikayıl Rəhimov küçəsindəki 4 və 6 saylı binaların qarşısında yerləşən zibil qutuları bərbad vəziyyətdədir.
Gencexeber.az-a daxil olan şikayətə əsasən, Heydər Əliyev prospektindən cəmi 50 metr aralıda, 32 nömrəli tam orta məktəbin yaxınlığında yerləşən bu ərazidən hər gün yüzlərlə vətəndaş keçir. Lakin tullantı qutularının yararsız vəziyyəti və vaxtında boşaldılmaması sakinlərin narazılığına səbəb olur.
Şikayətçilər bildirirlər ki, şəhərin mərkəz hissəsinin belə acınacaqlı duruma düşməsi həm Gəncənin ümumi görünüşünə, həm də sanitar-gigiyenik vəziyyətinə mənfi təsir göstərir. Onların sözlərinə görə, aidiyyəti qurumlar problemi aradan qaldırmaq üçün təcili tədbirlər görməlidirlər.
