Xəbər verdiyimiz kimi, Gəncədə Natiq Hüseynov 29 (Əttarlar 2-ci Döngə) ünvanında iki aydan çoxdur ki, zibil qutuları boşaldılmırdı və məişət tullantıları toplanaraq ətrafda xoşagəlməz qoxu və mənzərə yaradıb
Gencexeber.az problemi işıqlandırdıqdan sonra sözügedən ərazidə Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən təmizlik işləri görülüb.
Qurumun əməkdaşları və texnikası vasitəsilə sakinlər tərəfindən yaradılan antisanitar mənzərə aradan qaldırılıb.
Gəncə şəhər MKTİB bir daha əhali və qeyri əhali qrupundan xahiş edir ki, tullantıları təyin olunan yerlərə atsınlar, təmir qalıqlarını isə MKTİB ilə müqavilə bağlayaraq daşınmasını təmin etsinlər.
