Gəncə şəhərində yeniyetmənin xəsarət alması ilə nəticələnən hadisə baş verib.
Gencexeber.az-ın məlumatına görə, hadisə nəticəsində 2009-cu il təvəllüdlü Sinan Məsimov bədənin kəsilmiş-deşilmiş yarası diaqnozu ilə xəstəxanaya çatdırılıb.
Yeniyetməyə ilkin tibbi yardım göstərilib. Hadisənin hansı şəraitdə baş verdiyi hələlik məlum deyil.
Faktla bağlı hüquq-mühafizə orqanları tərəfindən araşdırma aparılır. Hadisənin təfərrüatları dəqiqləşdirilir.
