Gəncə Dövlət Universitetinin nümayəndələri Türkiyəyə səfər ediblər. Bu haqda 22 dekabr tarixində universitetə istinadən məlumat veririk.
Gəncə Dövlət Universitetinin (GDU) rektoru Yusif Yusibovun rəhbərliyi ilə universitetin nümayəndə heyəti Türkiyə Respublikasının Dokuz Eylül Universitetində ikili diplom proqramı ilə əlaqədar işguzar ziyarətdədir. Onlar Dokuz Eylül Universitetinin tələbələri və müəllim heyəti ilə görüşüblər.
Sonra rektor Nükhet Hotar GDU-nun rektoru Yusif Yusibovu qarşılayıb. Görüş çərçivəsində ikili diplom proqramı ilə əlaqədar keçirilən Senato toplantısında (Elmi Şura) ali məktəblər arasında həyata keçiriləcək layihələrdən danışılıb.
İşgüzar görüş çərçivəsində Gəncə Dövlət Universitetinin rektoru Yusif Yusibov və nümayəndə heyəti Dokuz Eylül Üniversitetinin mövcud imkanları ilə yaxından tanış olublar.
