Gəncədə valideynlər məktəbin yanında yerləşən köşkdən şikayət ediblər.
Gencexeber.az-a ünvanlanan şikayətdə bildirilib ki, M.Ş.Vazeh adına 16 nömrəli tam orta məktəbin (“Təbriz” marketin yanı) yaxınlığında yerləşən köşkdə spirtli içki, siqaret, pirotexniki vasitələr satılır.
Vətəndaşların sözlərinə görə, təhsil ocağının yaxınlığında bu cür məhsulların satışı daim narazılıq doğurur.
Redaksiyamız bu barədə Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımova sorğu ünvanlayıb.
Qurum rəsmisi cavabında bildirib ki, iddialar Gəncə Şəhər Baş Polis İdarəsi tərəfindən nəzarətə götürülüb və araşdırmalar aparılır: “Araşdırmaların nəticəsindən asılı olaraq məsələyə hüquqi qiymət veriləcək”.
