Gəncə şəhərində polis əməkdaşları şəhər ərazisində tüfeyli həyat tərzi keçirən və dilənçiliklə məşğul olaraq sakinlərin narazılığına səbəb olan şəxslərlə bağlı profilaktiki tədbir keçirib.
Gencexeber.az-ın məlumatına əsasən, tədbir zamanı ümumilikdə 42 nəfər saxlanılaraq Polis Şöbəsinə gətirilib. Onlarla profilaktiki söhbətlər aparılaraq İnzibati Xətalar Məcəlləsinin müvafiq maddəsi ilə protokol tərtib edilib.
Daha sonra saxlanılan şəxslər qeydiyyatda olduqları şəhər və rayonlara göndərilib.
Xatırladaq ki, Gəncədə qaraçıların təşviş doğuran davranışları ilə bağlı redaksiyamız tərəfindən yazı dərc edilmişdir. Məsələ ilə bağlı hərəkətə keçən polis əməkdaşları tərəfindən Gəncədə dilənçilik edən və tüfeyli həyat tərzi keçirən 46 nəfər saxlanılmışdır. Bir müddət sonra isə Gəncədə 18 yaşlı gənc qaraçı tərəfindən bıçaqlanmışdır.
