Gəncəli idmançı respublika yarışında uğurlu çıxış edib.
Gencexeber.az-ın məlumatına əsasən, Mingəçevirdə “Kürü keçək?!” açıq suda üzmə yarışı keçirilib.
Burada iştirakçılar arasında Gəncə Olimpiya İdman Kompleksinin üzgüçüsü Gültəkin Kərimova da yer alıb. O, 24-35 yaş arası qadınlar qrupunda mübarizə aparıb.
İdmançımız Kür çayının iki sahili arasında 300 metr məsafəni qət edərək, ikinci yerə çıxıb. Kərimova gümüş medal və diplomla təltif edilib.
Qeyd edək ki, üzgüçümüz şəhərdə fəaliyyət göstərən uşaq bağçalarından birində çalışır.
[modula id="64337"]
