Gəncədə "Gənclər işıqlı sabahımızdır" adlı tədbir keçirilib. Bu haqda Gəncə Regional Mədəniyyət İdarəsinin Facebook səhifəsində məlumat dərc edilib.
Tədbir F.Əmirov adına 1 nömrəli uşaq musiqi məktəbində təşkil olunub. İlk öncə məktəbin direktoru Aidə Əmrahova Azərbaycan gənclərin və tədbirdə iştirak edən gənclərin Azərbaycan Gənclər günü münasibətilə təbrik edib. Xanım çıxışı zamanı qeyd etdi ki, bir dövlətin dayanıqlı inkişafı üçün onun sağlam gəncliyinin vacib olması əsas şərtdir.
Məktəbin Fortepiano və Xalq çalğı alətlər şöbəsinin müəllimləri musiqili proqram ilə çıxış ediblər.
