Gəncədə yanğına qarşı maarifləndirmə tədbiri keçirilib. Bu haqda Apa.az-a istinadən məlumat veririk.
Tədbir Fövqəladə Hallar Nazirliyinin Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi tərəfindən təşkil olunub. "Gəncə" MTK-ya məxsus hündürmərtəbəli yaşayış binasının sakinlərinin iştirakı ilə yanğın təhlükəsizliyinə dair tələblərdən danışılıb. Baş verən fövqəladə hallar zamanı zəruri hərəkətlər barədə məlumat verilib.
Eyni zamanda, ilkin yanğınsöndürmə vasitələrindən istifadə üsulları bina sakinlərinə əyani şəkildə izah edilib və suallar cavablandırılıb.
