Gəncədə yeni yaradılacaq kompleksin layihəsi təqdim olunub. Bu haqda 3 avqust tarixində İcra Hakimiyyətinə istinadən məlumat veririk.
Ermənistanın hərbi cinayətləri nəticəsində həyatını itirmiş Gəncə sakinlərinin xatirəsinin əbədiləşdirilməsi məqsədilə Gəncə Memorial Kompleksi hazırlanacaq. Kompleksinin konsepsiyası Böyük Britaniyanın nüfuzlu “Chapman Taylor” şirkəti, tikinti layihəsi isə “Azərmemarlayihə” Dövlət Baş Layihə İnstitutu tərəfindən hazırlanıb.
Burada unikal memarlıq üslubunu özündə əks etdirən muzey binası, estetik cəhətdən gözəl və funksional landşaft həlləri yer alır. Memorial abidə 12 metr dərinliyə qədər enməsi nəzərdə tutulmuş spiralvari formada, hadisənin dəhşətlərini əks etdirən bədii obrazda və minimalizm üslubunda layihələndirilib. Muzey binası gələn qonaqların ətraflı məlumatlandırılmasına xidmət göstərəcək, törədilmiş faciənin işıqlandırılmasında xüsusi rol oynayacaq.
Raket zərbələri nəticəsində dağıdılmış yaşayış binalarının qalıqları xüsusi hissədə açıq hava altında saxlanacaq. Burada həmçinin şəhərin zərər dəymiş ərazilərinin abadlaşdırılması və əhalinin istirahəti üçün geniş parkın yaradılması planlaşdırılır.
Ərazidə 3 ədəd giriş tağı, 1 fəvvarə, mühəndis qurğuları olan 1 qazanxana, 1 transformator yarımstansiyası, 1 yeraltı nasosxana, 2 yeraltı içməli və yanğın əleyhinə su çənlərinin inşası nəzərdə tutulub.
[modula id="41808"]
