Gəncə aktyorları beynəlxalq festivala yollanacaqlar.
Gencexeber.az şəhər İcra Hakimiyyətinə istinadən məlumat verir ki, Gəncə Dövlət Kukla Teatrı Qazaxıstanda keçiriləcək “Almatı II Beynəlxalq Kukla Teatrları Festivalı”na qatılacaq. Tədbir 21-25 oktyabr tarixlərində baş tutacaq.
Burada teatrın yaradıcı heyəti Rəsul Rzanın “Ana Qaz” şeirinin motivləri əsasında hazırlanmış eyniadlı tamaşanı təqdim edəcək. Səhnə əsərinin quruluşçu rejissoru və musiqi tərtibatçısı Gəncə Dövlət Kukla teatrının baş rejissoru Şamil Məmmədli, xoreoqrafı respublikanın əməkdar artisti Fərmail Paşayev, quruluşçu rəssamı Məhəmməd Hacıyevdir.
Qeyd edək ki, festivala Türkiyə, İtaliya, Çin, Rusiya, Bolqarıstan, Polşa, İran, Özbəkistan və Qazaxıstanın kukla teatrları qatılacaqlar.
