Gəncə şəhərinin içməli və tullantı su infrastrukturlarının yenidən qurulması üzrə işlər davam edir. Bu haqda 26 yanvar tarixində “Azərsu” ASC-yə istinadən məlumat veririk.
“Azərsu” ASC-nin departament rəisinin müavini Ceyhun Məmmədovun sözlərinə görə, Gəncədə həcmi 4000 kubmetr olan su anbarı tikilib. Mənbədən anbara qədər 24,3 km uzunluğunda magistral su kəməri çəkilib.
Layihəyə əsasən, Gəncədə 855 km içməli, 813 km tullantı su şəbəkəsi yaradılacaq. Hazırda içməli su şəbəkəsinin 375 km-lik, tullantı su şəbəkəsini isə 330 km-lik hissəsi inşa edilib.
2023-cü ildə 16 km içməli, 19 km tullantı su xətləri və kollektorların inşası nəzərdə tutulur.
Qeyd edək ki, Gəncənin içməli su tələbatının böyük hissəsi Şəmkirçay su anbarı hesabına təmin olunur.
[caption id="attachment_31722" align="alignnone" width="300"]
“Azərsu” ASC-dən foto[/caption]
