Gəncə Dövlət Universitetinin tələbələri "Heydər Əliyev və Azərbaycan tarixi" VII ümumrespublika bilik yarışında iştirak ediblər. Bu barədə GəncəXəbər GDU-nin rəsmi Facebook səhifəsinə istinadən məlumat verir.
48 ali təhsil ocağının iştirak etdiyi bu yarışda GDU-nin Tarix-coğrafiya fakültəsinin tələbələrindən ibarət komanda da qoşularaq, 5-ci yerə layiq görülüb. Bilik yarışı 3 turdan ibarət olub və hər turda 12 sual cavablandırılıb. Sonda iştirakçılara sertifikatlar təqdim edilib.
Qeyd edək ki, yarış ərəfəsində komandaların müsabiqəyə hazırlığı məqsədi ilə Heydər Əliyev Muzeyinə ziyarətləri təşkil olunmuşdur.
