Sosial şəbəkələrdə Gəncədə uşaqların döyülməsi təəssüratını yaradan videonun məzmunu öz təsdiqini tapmayıb. Bu haqda Oxu.az-a istinadən məlumat veririk.
"Gəncədə qadının azyaşlılara qarşı zorakılıq tətbiq etməsinə dair iddialar təsdiqini tapmayıb", - bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib.
Xanım əlavə edib ki, komitəyə daxil olan müraciət əsasında araşdırma aparılıb. Dəqiq ünvan müəyyənləşdirilib. Aidiyyəti qurumlarla birlikdə komitə əməkdaşları tərəfindən araşdırma yekunlaşıb. Bu məsələ öz təsdiqini tapmayıb. Azyaşlıların şiddətə məruz qalması faktı yoxdur.
Muradovanın sözlərinə görə, sosial şəbəkədə yayılan görüntülərin altından tam başqa problemlər üzə çıxıb.
