Gəncədə 18 cinayətkar dəstə zərərsizləşdirilib. Bu haqda Azerforum.com-a istinadən məlumat veririk.
2021-ci il ərzində şəhər ərazisində 43 nəfərdən ibarət 18 cinayətkar dəstə ələ keçirilib. Açıqlamanı DİN-in Mətbuat Xidmətinin Gəncə Regional Qrupunun baş inspektoru, polis baş leytenantı Eşqin Qasımov verib.
Onun sözlərinə görə, bu müddətdə ümumilikdə 989 cinayət hadisəsi qeydə alınıb ki, bu da 2020-ci ilə nisbətdə çoxdur.
Qasımov onu da əlavə edib ki, 2021-ci ildə 56 kiloqramdan çox narkotik vasitə dövriyyədən çıxarılıb ki, onun 5 kiloqramdan çoxu xüsusi təsiredici (heroin, patı, tiryək və digər) maddələrdir.
