Gəncədə tələbələrin yaşadığı ev qarət olunub. Bu haqda 1 fevral tarixində Apa-ya istinadən məlumat veririk.
Şəhər sakini Sadiq Cəfərli polisə müraciət edib. O, bildirib ki, tələbə yoldaşları Rüstəm Eyvazov və Kamran Cəfərovla birlikdə yaşadıqları evə naməlum şəxs daxil olub. O, tələbələri bıçaqla hədələyərək, evi qarət edib. Həmin şəxs 4000 manatlıq əmlak götürərək gedib.
Faktla bağlı araşdırma aparılır.
